Coca-Cola Zero Sykur verður Coca-Cola án sykurs og klæðist hinum klassíska rauða lit!

Coca-Cola Zero Sykur verður Coca-Cola án sykurs og klæðist hinum klassíska rauða lit!
17. apríl 2019

Coca-Cola gerir stórar breytingar á einu af stærstu vörumerkjum sínum þegar Coca-Cola Zero Sykur, klæðist hinum klassíska rauða lit og tekur upp nýtt nafn: Coca-Cola án sykurs. Breytingunni er ætlað að auðvelda val fyrir neytendum sem velja sér nú einfaldlega Coca-Cola, með eða án sykurs.  

Nýjar umbúðir – breyttar dósir
Á sama tíma verða breytingar á dósunum sjálfum, sem verða nú hærri og mjórri en áður. Coca-Cola án sykurs verður auðmerkt með svartri línu efst á dósinni og miðum plastflöskunnar auk þess sem tappinn verður svartur. Nýju dósirnar henta enn betur í ísskápinn og ekki síður í hendi. Þetta er nýjung á gosmarkaðinum hér á Íslandi, en enginn gosdrykkur er í svona dósum í dag. 

Coke Zero Sykur er þriðja stærsta vörumerkið á gosdrykkjamarkaðnum hérlendis 
Coke Zero Sykur er gríðarlega öflugt vörumerki og er þriðji stærsti gosdrykkurinn á íslenskum matvælamarkaði, samkvæmt AC Nielsen mælingum. Það er því stærra en til að mynda Pepsi og Appelsín. Fólk hefur þó ekki alltaf áttað sig á því að Coke Zero Sykur sé alfarið sykurlaus vara en með þessari breytingu ætti valið að verða einfaldara: Neytendur velja sér einfaldlega kók með eða án sykurs, rétt eins og þeir velja hvort vatnið sé með eða án kolsýru,

Coca-Cola er eitt þekktasta vörumerki heims en með þessari breytingu styrkist það enn fremur auk þess að aðlagast nýjum tímum.  Sykurlausi valkosturinn verður staðsettur við hlið hins klassíska Coca-Cola í allri framsetningu og markaðssetningu. Framtíðin liggur í minni sykri, og Coca-Cola verður hluti af henni, en Coca-Cola European Partners og The Coca-Cola Company hafa sett sér metnaðarfull markmið um að draga úr sykri í vörulínu sinni.

Til viðbótar við þessar breytingar fær Coke Light nýtt útlit einnig en það er annar sykurlaus kostur sem hefur léttara Coca-Cola bragð.

 

Coca-Cola Zero Sykur verður Coca-Cola án sykurs og klæðist hinum klassíska rauða lit!