Jólalest Coca-Cola keyrir um höfuðborgarsvæðið 8. Desember

Jólalest Coca-Cola keyrir um höfuðborgarsvæðið 8. Desember
03. desember 2018

Ljósum prýdd Jólalest Coca-Cola keyrir sinn árlega hring um höfuðborgarsvæðið í 23. skiptið á laugardaginn, þann 8. desember. Lestin mun leggja af stað kl. 16:00 frá höfuðstöðvum Coca-Cola að Stuðlahálsi. Þaðan ferðast hún um helstu hverfi höfuðborgarinnar og nærsveita áður en hún snýr aftur upp á Stuðlaháls. Jólalestin mun stoppa á 3 stöðum á ferðalagi sínu. Þar geta gestir og gangandi heilsað upp á jólasveina og fengið sér hressingu. Ráðgerð stopp eru við Spöngina kl. 16:30, við Hörpu kl. 18:00 og við Smáralind kl. 19:00.

greglan á höfuðborgarsvæðinu vill beina því til fólks að sýna aðgát og koma ekki of nálægt lestinni. Jólalestin keyrir um í lögreglufylgd og munu björgunarsveitarmenn ganga meðfram henni við þá helstu staði þar sem fólk safnast saman til að draga úr slysahættu.

Fylgst með í rauntíma

Það er orðinn fastur liður í jólaundirbúningi fjölmargra fjölskyldna að fylgjast með Jólalestinni. Á meðan sumir safnast saman á fjölförnum stöðum þar sem lestin á leið, kjósa aðrir að fylgjast með henni af svölunum eða út um glugga heima hjá sér. Talið er að á milli 10-15.000 manns fylgist með ferð lestarinnar á ári hverju. 

Þriðja árið í röð verður hægt verður að fylgjast með staðsetningu lestarinnar í rauntíma á www.jolalestin.is. Í fyrra var umferðin á heimasíðu Jólalestarinnar svo mikil að heimasíðan hrundi um stundarsakir. Gerðar hafa verið viðeigandi ráðstafanir í ár til að fyrirbyggja slíkt.

Til að koma öllum í rétta gírinn fyrir laugardaginn er gott að horfa á eina gamla og góða jólaauglýsingu frá Coca-Cola. “Holidays are coming”-auglýsingin hefur verið sýnd í sjónvarpi á Íslandi á hverju ári síðan 1995. Henni fylgir óneitanlega nostalgíutilfinning. 

.