Einar Snorri tekur við sem forstjóri Coca-Cola European Partners á Íslandi

Einar Snorri tekur við sem forstjóri Coca-Cola European Partners á Íslandi
02. maí 2018 - 16:37

Einar Snorri Magnússon hefur tekið við sem forstjóri Coca-Cola European Partners á Íslandi af Carlos Cruz. 

Einar hefur starfað hjá CCEP á Íslandi (áður Vífilfell) í 13 ár og sinnt ýmsum stjórnunarstörfum en síðastliðin 3 ár hefur hann gegnt starfi framkvæmdastjóra markaðs- og sölusviðs. „Framundan eru spennandi tímar hjá fyrirtækinu og það er mikill heiður að taka við þessari stöðu. Coca-Cola hefur verið hluti af þjóðarsálinni í 76 ár og við seljum ýmsar af ástkærustu drykkjarvörum landsmanna. Við erum í stöðugri þróun, bæði fyrirtækið sjálft sem og vörurnar sem við seljum, og höfum til að mynda verið leiðandi á sviði sjálfbærni hér á landi.  Ég tek við góðu búi af Carlos, hann hefur leitt árangursríka innleiðingu okkar í CCEP og við þökkum honum óeigingjarnt starf síðastliðin 3 ár. “ segir Einar en hann er með B.Sc. í Alþjóðamarkaðssfræði frá Tækniskóla Íslands og MBA frá Edinborgarháskóla. 

CCEP er stærsta átöppunarfyrirtæki Coca-Cola í heiminum og leiðandi fyrirtæki á markaði með neytendavörur í Evrópu. CCEP er með 24.000 starfsmenn í 13 löndum í Vestur-Evrópu og framleiðir og markaðssetur nokkur af vinsælustu drykkjuvörumerkjum heims til yfir 300 milljóna neytenda.