Undirmerki Coca-Cola verða sameinuð

Undirmerki Coca-Cola verða sameinuð
05. mars 2015

Breytingar verða á drykkjum Coca-Cola þar sem öll vörulína Coke hefur verið sameinuð undir einum hatti. Þau vörumerki sem um ræðir eru Coke, Coke Light og Coke Zero. Með þessum hætti vill fyrirtækið nýta styrk Coca-Cola vörumerkisins betur og um leið undirstrika þá fjölbreyttu valmöguleika sem standa neytendum til boða undir þessu heimsþekkta vörumerki. Allir drykkirnir munu í framtíðinni heita Coca-Cola en verða í mismunandi lituðum umbúðum og með ólíkri innihaldslýsingu. Ákvörðunin er tilkynnt samtímis um alla Evrópu en neytendur á Íslandi þurfa að bíða fram í maí til að sjá merki um hana í hillum verslana.

Lítil Coke í gleri 100 ára í ár

Coca-Cola hefur verið á borðum Íslendinga í yfir 70 ár en þess er nú jafnframt minnst að 100 ár eru liðin frá því að hin þekkta Coca-Cola flaska var fyrst sett á markað, en hér á landi er hún best þekkt sem „lítil Coke í gleri“.

Coca-Cola fyrirtækið hefur reglulega þurft að mæta breyttum þörfum neytenda útfrá bragðskyni, breyttu neyslumynstri og lífstíl. Það hefur fyrirtækið gert með því að bjóða upp á ný vörumerki með mismunandi ásýnd og boðið fólki upp á mismunandi valmöguleika í bragði, kaloríufjölda og koffeinmagni. Í fortíðinni hafa þessir nýju drykkir staðið sér en nú munu þeir allir flokkast sem Coke og áherslan í markaðssetningu og auglýsingum verður á eitt vörumerki.

Bragðið beytist ekki

Eftir breytinguna munu þessi mismunandi vörumerki, auk nýrra sem kunna að koma á markað, sem áður segir sameinast undir hatti Coca-Cola vörumerkisins. Ekki verður þó hvikað frá bragðinu sem neytendur þekkja. Þessi nýja nálgun er talin breikka hið heimþekkta vörumerki þvert yfir vöruframboð fyrirtækisins. Á sama tíma munu umbúðir og auglýsingar undirstika mismunandi eiginleika hverrar vöru, sem auðveldar neytendum val á vöru við sitt hæfi

Hér fyrir neðan eru myndir frá blaðamannafundi sem haldinn var í tilefni af þessari tilkynningu á Hilton Nordica.